رسالة من جمهور قطر للملكة عبير

تحياتي عبير وعيدج مبارك

انا للاحظت يالغالية وغيري لاحظ ان عبير في حلقات العيد من برنامج جد ولعب 3 كانت متضايقة من بعض التعليقات ضدها وكانت تسال الناس عن رايهم بالبرنامج وفيها وواضح ان عبوره تضايقات من بعض الكلام
اولا من حقج تتضايقين ياغالية لكن كم تعليق في اليوتيوب ماينسف جهودج وشغلج يالغالية ابدا لان اللي ينتقد واحد ولا 2 ولاحتى 10 بس البرنامج موجه للملايين وباتالي الكلام محدود من ناحية العدد والقيمة وثانيا مجرد وجود هالمنتدى دليل حب الجمهور وتشجيعه لج يالغالية ولاتفكرين ابدا ابدا الا بشغلج وجمهورج وربي ويوفقج يتاج راسي
وننتظر جديدج بفارغ الصبر واحلى واكبر تحية من جمهورج بقطر وناطرينج على احر من الجمر

محمد قطر
تحيااااااااااااااااااااااتي لج عبوره

موضوع رائع واصل

اضم صوووتي لاخووي محمد قطر

واصلا هذا دليل على نجااحها وانها وصلت للجمهووور

ولاتحطوون على الكوويت لان الجمهوور الكويتي دعمها وحبها ومتواااصل وياااها


ولكن مثل مانتو عااارفين كل شي في الشين والزين والواحد ياخذ الزين ويخلي الشين


ومثل مافيه نااس علقت فيه ناااس حبت واهي اهم شي عندهااا جمهوور مثلكم يرفع الرااااس

لا بليييز اختي شيخة >> سوري

بس مانبي شي يسئ لعبير في منتداها الرسمي واي كلام انقااال عنها موحلو ماراح نحطه لان هذا المنتدى اهدااء لها ومانبي نضيق خلقهاا ..

مانبيها الاتسمع الاخبااار الحلووة عنها ..

ومشكوورة

الحوار اللي دار بيني و بين اثنين كويتيين فمنتدى الواحه ..

العضو :ama

مع احترامي لج اختي المحترمة
بس عبير تسبب لي ضيق تنفس وهبوط لما تطلع على الشاشة

انزين ماتحسون بالقصب تتكلم كويتي .




انا :شېڅة آڷزېڹېﮯ

اخوي مدري اختي المهم ارد على الرد اللي فوقي ..

يا اختي او يا اخي .. محد قالك تابعها .. ودامها اتسبب لك ضيق تنفس فر القناة مب لازم تحطها محد غصبك وقالك خل القناة ولا تغيرها ولا حد ضربك على ايدك وقالك لازم تجوفها ..

انت حرر و اذا اهي اتسبب لك ضيق تنفس ماله داعي تجوفها ..

واذا كانت على رمستها فرمستها مافيها شي .. وعادي لاترمس بالقصب ولا هم يحزنون ..

رمستها عاديه ومافيها شي وكويتيه قح بعد .. بس شنسوي للعذال؟!..

يعني الحين اتحسسني ان هذي حليمه رمستها كويتيه قح .. ابكبرها منقعه .. اشوي مصري واشوي خليجي واشوي سعودي .. وين عايشه هذي ..

ع الاقل عبير ظهرت بشخصيتها الطبيعيه مب بتصنعها شرات الباجين ..

يعني شو تباها اتسوي ؟! تباها تتميعلك شرات الباجين عشان ترضيك وعشان اتقول عنها ترمس كويتي عدل ؟! ..

وانت شكلك ماحصلتلك شي اتيوده عليها فقلت خلني ارمس عن رمستها ..ياخي لازم يعني اطلعوون فالواحد عيب وحتى لو مافيه؟!

ع العموم ..

تسلمين حبيبتي ع الطرح ..

لاخلينا ولا عدمنا منج حبوبه ..

وبالتوفيج لـ ساندريلة المذيعات >>عبوووره ..

جااااو ..يعني بالعربي مع السلامه وبالانجليزي باااي ..




العضو :alala77

شېڅة آڷزېڹېﮯ

حياج الله معانا و منورة المنتدى

بالنسبة لعبير ... اهل مكة ادرى بشعابها و من كلامج حضرتج اماراتية و المذيعة المفروض انها كويتية و بصراحة كلامها ثقيل و بالنسبة لحليمة بولند هي مذيعة ناجحة و متميزة بس ما يمنع ان كلامها اخذي و خلي منه ... اللي كلامهم كويتي و تحسين انهم كويتيات من قلب حاليا "إيمان نجم" و "حصة اللوغاني" .




العضو :ama

اختي الفاضلة احب اقولج شي
بما انا عائلة الوزان عائلة واحدة بالاصل
وليس عائلتين كما يعرف القريبين منهم هي مو نهم
احتمال من لبنان لان في عائلة لبنانية اسمها الوزان
المهم مالنا شغل بالعائلة على فكرة حتى حليمة ماتعجبني
بعد تتصنع الكلام
ترى اول ماتطلع عبير وسوسن الهارووون على طول
اغير القناة حتى زوجتى معاي تغير لانها تسبب لنا ضيق
تنفس بعد مع الكئابة ههههههههه .




انا :شېڅة آڷزېڹېﮯ

هيه احسن لك انت وزوجتك .. وبعدين ماله داعي لتقليل شأن الغير ..

وكل حد حرر برمسته وبكلامه وبأدائه .. وانتو عسا ماسمعتو او جفتو انسان مقبل على النجاح قمتو و حسدتوه او بالاصح حبطتووه ..

ترى على فكرة عبور ما تهتم لهالكلام .. لان بالعكس هالكلام اللي قاعدين تقولونه والاحباط اللي قاعدين تحبطونها فيه يشجعها اكثر على النجاح ..<<وهذا دليل على نجاحها .. ترى ساعات النقد يكون لصالح الشخص المنقود ^^ ..ولو ماكانت ناجحه ماحصلت كل هالنقد .. وكا حليمه فبدااية مشوارها الكل قام ينتقدها بس مع اصرارها كاهي انجحت فمجالها وعقولتك ناجحه ومتميزه<<وماسوت سالفه لحد خلتهم يقولون عنها اللي يبون يقولونه و تمت واثقه من نفسها و كاهي انجحت على المسوى العربي مب بس الخليجي وانا ما انكر هالشي ..لكن حبيت اوضح لكم شغله ان انتو تبون البنت اللي تتميع و اللي تتدلع و اللي تتصنع عشان ترضيكم و عشان تحبونها ..

وبعدين انتو المفرووض تشجعووونها مب تحبطوونها لانها تمثل دولتكم .. اقصد وحده من شعبكم والمفرووض اهل الكويت اهم اول ناس يوقفون مع مذيعينهم ويشجعوونهم ..

واخوي ama ادري ان فالكويت عندكم الوزان عايلة وحده وادري ان فلبنان وفسوريه والاردن في عوائل بعد بهاللقب .. بس ماعتقد الكويت بتعطي الجنسيه الكويتيه لحيالله اي حد يا وعاش فارضها ولا اعتقد فيوم وليلة يعطوونهم الجناسي .. كا عندكم ناس بدوون وعايشين على ارضكم اكثر من 30 سنه وماحصلو يعني بالعقل كيف بيعطون اللي ماصار لهم الا جم سنه الجنسيه الكويتيه ..وللعمل اهي عندها جنسيه كويتيه يعني لو ماكانت كويتيه عقولتك واللي كنت شاك فيها وباصلها ماكانت بتحمل الجنسيه الكويتيه ..فيعني ارتااح لاتشك فاصلها وفصلها ..لانها كويتيه اصل شأت ام أبيت بتم كويتيه وغصبن عن الكل رضيتو او انرضيتو..

واخوي alala 77 فعلاً حصة اللوغاني ممتازه وناجحه فمجالها وهالكلام لاشك فيه بس انا ماقاعده اقارن حصه بعبير لانه حصه اكيد اهي الافضل ومحد يقدر ينكر هالشي اما الثانيه ايمان ابصرااحه ماعرفها عشان احكم عليها .. المهم ماعلينا ..

بس حبيت اقولكم لا تشبكون الحابل بالنابل .. وانا ماقاعده ارمس عن حصه وغيرها وغيرها انا قاعده ارمس عن عبير ..ومابنكر ..صحيح يبت طاري حليمه لكني مايبت طاري حصه لانها اكيد اهي الافضل .. المهم ..
وعلى طاري الثقل ياخي اهي شو اتسويلكم يعني تبووها تتدلع لكم وتتميع وترقق صوتها و تتصنع ؟! .. ياخي مافهمنالكم .. اذا تصنعت قلتو عنها تصنعت واذا تمت على طبيعة حالها قمتو تطنزوون على كلامها وغيره ..

يعني اهي شو اتسوي الله عطاها هالصوت ..ليش معترضين على قسمة ربكم؟!..

يعني اترووح اتسوي عملية شد الاحبال الصوتيه عشان خاطر عيونكم وعشان ترضيكم وتظهر لكم بالشكل المطلوووب؟! .. حلوه هذي ..

يعني اهي صوتها جذه .. طبيعة صوتها ثقيل .. شو اتسوي يعني ..

مب شرط كل حرمه او بنت يكون صوتها رقيق .. وفي حريم وبنات كثااار اصواتهم اغلاظ اقصد اثقال عقولتك ..<<عشان تفهم


ع العموم مشكوور ع الترحيب والله يحيك ..

والسموحه ع الاطاله وع الرمسه بس هاللي عندي واتمنى تتقبلون كلامي بكل رحابة صدر ..
واخوي ama لو تخل كلامك اشوي ارقى من جذه بيكون احسن ..
جااو ..





العضو :ama

شيخة
انا ماغلط على البنت وهي ملابسها محترمة الحمد لله
واحنا نشجع هذا الشي بس هي تقلد امل العوضي بالحركات
بنفس البرنامج والناس تعرف هذا الشي وتقارن بين الثنتين
وهذا شي طبيعي
وانا كلامي مافي شي علشان ارتقي بالكلام وماغلط عليها
او عليج
تحياتي.





انا :شېڅة آڷزېڹېﮯ

ههههههههههههه الحين يت ع الحركاات .. يالله يالله ..

ابصرااحه يا ama انت ادور الزله عليها .. يعني الحين يت ع الحركات .. توك اتقول عشان اصلها وفصلها ..

وقبلها كنت قاعد ترمس ع رمستها .. والحين ع حركاتهاو تقليدها لامل العوضي ..

ابصرااحه ماعرفناالك ..

وبعدين مب اهي اللي قالت لامل والله عطيني البرنامج مالج بقدم فيه عشان اكون مشهووره .. اولا امل على حد علمي انها تركت الاذاعه اقصد الاعلام بشكل عام وقالو انها اعتزلت .. وثانياً عبير ما قطت روحها ع البرنامج ..المخرج والمعد اهم اللي اختاروها .. ووقع الاختيار عليها واهي شو اتسوي يعني ..تبونها ترفض العرض عشان خاطر عيوونكم وعشان ماتقولون انها تقلد فلانه وعلانه ؟! ..

وبعدين اهي فشو قلدتها ؟! .. ترى ماطبيعة العمل جذي .. يعني كيف بالله تباها تقدم البرنامج ؟! ..تباها اتقدم البرنامج مثل ماتقدم البرامج السياسيه ولا تباها اتقدم البرنامج مثل تقديم البرامج الاقتصاديه ؟!..

وانا اقول اللي مايعرف لصقر يشويه .. فيعني لاتقعدون ترمسون عن شي ماتعرفونه واتخلون عماركم عريفين فهالمجال ..

وصج من قال اللي مايعرفك مايثمنك .. وانتو ماتعرفونها عسب جذي ماتثمنونها ..

بس والله انها انسانه طيبه وحبوبه .. انا ماعاشرتها بس اعرف احكم على الشخص من طريقة كلامه ..

وبسكم حقد ..

وبعدين انا ماقلت انك غلطت علي .. بس انت غلطت فحق عبير لانك اتهمتها بانها مب كويتيه << وانت اصلا ماتعرفها .. كيف تحكم على الناس من غير لا تعرفهم ..؟؟!..

واذا ع الملابس ترى مو بس اهي ..ما اغلبية الكويتيالت جذي لبسهم يعني لاتقعد ترمس عن اللبس وغيره .. يعني لو بنات ديرتكم شرات ديرتنا والاغلبية يلبسوون العباة والشيله بنقول ... لكن انتو اغلبيتهم جذي لبسهم فيعني بتي عليها اهي بالذات ؟!

ع العموم انا ماحب وايد اجادل وخصوصاً لا كان الشخص اللي اجادله من جنس ثاني ..

والسموحه بس كلام الحق لازم ينقال وكل اللي عندي قلته وارجو انك تتقبل كلامي من حيث المنطق ..وبكل رحابة صدر .. عشان لا تصير تشات وغيره ^^ ..

..................................................................................................................................


وبس هذا كل الحوار اللي دار مبينا .. ورد كتبلي فالرساله الخاصه << يوم حس اني سكتته وماقدر علي او بمعنى اصح انربط السانه..يعني سكتته.. شوفو شو كتبلي فالرساله الخاصه ..


العضو :ama

(يبي يغير الموضوع) .. >>

حياج الله اخت شيخة بالمنتدى
وهو للجميع بدون تفرقة بين الاعضاء عندنا
وكلنا اخوان هنا ونتمنى لح اسعد الاوقات معانا
والاستمرار معانا


اخوج ama مشرف المنتدى








انا :شېڅة آڷزېڹېﮯ

الله يحييك اخويه .. تسلم ع هالترحيب والاستضافه الحلوه ..

وان شا الله نفيدكم ونستفيد منكم ..

وانا اتشرف اني اكون وحده من اعضائكم ^^ ..[/quote]<<(ابي احسسه اني امسيّرة معاه)







العضو :ama

ولنا الشرف بعد بتواجدج معانا
وندري تحبين عبير وحنا نحبها بعد بس نتكلم عن الاداء
وهذا اختلافنا معاها وكل ملاحظ طريقة الكلام عندنا
بالكويت لها على قولتج من الله يمكن وهذا ماعندنا
اعتراض علية

المهم اشرايج بكلمات سامي العلي
في حلقات غطاية وغناية






انا :شېڅة آڷزېڹېﮯ


هههههه يعني اونك الحين تبا تغير السالفه ..

االمهم

ليش يعني بالذات سئلتني عن سامي العلي خخخخ ؟!

.......................................................................................................................

وبس بعدها مارد علي ..

احمد توني اقرا ردك سوري=( ..

اوكي احذف المشاركه ..

بس احمد انت اقرا الرد وعقب احكم .. لان مافي سب ولاشي بس اشوي انتقادات .. وعادي افا عليج الساني مايقصر عطيته من الزين عاد كله ولا عبوورتنا ..

اوونه ندري انج تحبينها ونحن نحبها بعد كيف يحبها ويرمس عنها جذه ؟! ولا يعني عشان يسكتني قال نحبها .. صج تدوده ماعرف شلون يرد ..

مشكوووووورة

فديتهاا والله ليته فيني ولا فيهاا