قامووس اللهجه الاماراتيه >> للي يبي يتعلم لهجتنا ^^..(احمد هذي اهي مفاجأتي)

هاااي ..

شخباركم ؟! شعلومكم ؟! .. عساكم بخير وسهاله ؟!..

الموهيييم انا اليوم يايبتلكم موضووع يينن ..يايبتنه خصيصاً لـ احمد عشان مايقعد يحشرني ويسألني عن معنى كل كلمه ..

واهو قامووس لهجة اهل الامارات يعني لهجتنا ..

وان شا الله تعجبكم رمستنا ... احم احم

يلا نبدأ ..
***************
شاطوحه = سرير الياهل
الشبريه = السرير
مسيد = مسجد
هيه = نعم ( إيه )
بسير = بروح.
سيكل = دراجه هوائيه
غرشه = زجاجه
موتر = سيارة
دريشه = نافذه
ملهيه == المصاصه مال الاطفال
الفروخ(اليهال)= الاطفال
هلكت= تعبت
حوي = الحديقه مال البيت
طاسه= صحن
رمس = اتكلم (( تحدث))
زغده = اخنقه
دروازه = الباب مال الحوش..هالكلمه اصلها هندي
بطقع(بظهر) = بطلع
ربيعي = صديقي
بلخا = خبله
خسفه = خبله
طمه = ما تفهم
لغبك = اسكت ( جب )
قري = يلسي يعني عن الحشره
خاشوقة = ملعقة
بنكة = مروحة
برع = برا ..
بنيه = بنت
ماي= ماء
يرمسون = يتكلمون
يالس = جالس
مخده = وساده
منز= سرير اليهال..
ليت = ضوء كهربائي
شيبة = رجل كبير في السن
عيوووووز = امراة كبيره في السن
شيلة = حجاب لونه اسود
كبت = دولاب
مخده =- وسادة
منظرة = مرآه
جوتي = حذاء
سويج = مفتاح السيارة
تاير = عجلة
كنديشن = مكيف
حجره= غرفه
ابا= اريد/احتاج
عقب=بعد او بعدين
لبــان= chewing gum
الهرمه= الملعونه
موسده= الوساده=المخده
الميلس=المجلس=الديوانيه
الزويه=الحمام
البزيه=الدلوعه
منقود=عيب
حصير=سجادة مصنوعه من سعف النخيل
الزوليه=السجاده
السلح=الفقر
الكواشي=الشغابه=التراجي=الذهب الذي يلبس في الأذن
السحناه=الجاشع=المتوت=هو السمك المجفف والمطحون
الطرشه = المره
حزايه = لغز او سؤال
اغبش = كل ( اكل )
المرية = الذهب الذي يلبس في رقبه
خويانة = مبلل بالدم /مضروبه
شرات = مثل
اتخرطفت = انزلقت
علقم = مر
مسجبة = اداة للرزفة ( مسدس )
تخوشني = تنغزني
سبه = سبب
حوي = حوش
مهفة = اداة للتهوية
بارجيل = اداة للتهوية المنزل
ابلية = بلا
احنا = نحن
ملاس = اداة للطبخ
مواعين = صحون
الله يبحصج = الله ياخذج
فنر = فانوس
اتيدد = اتوضأ
الوهيلة = الحروب الاهلية الاوليه
المواية = التخاشم ( الموايه بالخشوم )
قرقور = شبك للصيد دائري الشكل
الكوار= هو موقد صغير متنقل يستخدم لتحضير القهوة و بعض انواع الخبز احيلنا
يدوة=اسم يطلق على الجدة
باجلّه: الفول
تَاحْ =راش: يعني تَاح الحصى بالماي
سحمه= الحصى الصغير
ثِبَّانْ=الشِلِيل يعني الحير يعني انتوا يوم تتحيروا يكون في مكان في النص هذا يسموه ثبان
حَابُولْ= أحبوله من الحبل على شكل دائري ، تفتح وتربط من جانب واحد بواسطة قفل خشبي خاص ، يلفها متسلق النخلة الذي يبغي خرف الثمر عنها حول بدنه وحول جذع النخلة ، لتكون كالعتلة ، تساعده على تسلق النخلة ، وتحميه من السقوط .
خَاسْ = يِخِيس " فهو " خَايِس " أي متعفن وكريه الرائحة
خَاطِر= الضيف
دَادِه=دَدَّو " لفظة تحبب يقصد بها الطفل الصغير . فيقال : " طِالع الدادِه " أي أنظر إلى الطفل .
رَاغْ =" فلان رَاغْ فلانْ "
زَار=الزار هو الجني أو الجنيه . فيقال لمن ركبته روح شريرة : " فيه زار "
صَالُونَه =المرق
ضَوّ = النار
طَاح = وقع
طَارِي = أي ذكرت فلان
لوتي= الكذاب
غَاوِي = الشي الجميل
غَاوِي =اول طلوع الفجر
سهب= مهب غربي( ريح تهب من إتجاه الغرب )
السهيلي= مهب جنوبي ( ريح تهب من اتجاه الجنوب )
الدعن= سقف خشبي يصنع من أغصان النخل( الزور )
الدبس= عسل التمر
التنور= حفرة في الارض يلقى بها أغصان الاشجار و أشعال النار
بها من أجل شوي الذبائح في أيام العيد
البيدار= عامل المزرعة ( الفلاح )
الزوارة= ما يوصى به فلان لفلان( غرض يوصى بتوصيله)
الغبشه= الصبح

وان شا الله اذا تذكرت كلمة غيرهم راح احطها لكم ^^ << فديت لهجتنا والله بس فيها صعووبه اشوي ..

يلا عاد شدو الهمه و تعلمووها خخخخ ..

وعلى فكرة هالموضوع للافاده فقط يعني اللي مايبي يتعلم لا يدخل..لاني حاطتنه بس عشان تستفيدون منه وعشان اذا فكرتو تروحون الامارات ورافجتو لكم ناااس من الامارات اتكونو عارفين لهجتنهم وماتقعدون تتبهدلون وتبتلشون عاد فشله تسئلوهم كل حين ساعه شومعنى هالكلمه وشو معنى هالكلمه ..وبعد عشان اي احد يبي يقرا قصص اماراتيه ترى في بعض المفردات او اغلبية المفردات ما تنفهم فهالموضوع بيسهلكم عملية الفهم ^^ ..وان شا الله اكون افدتكم وبالذات احمج عشان لايقعد يسألني ..

اختكم .. شيوخه..

ههههههههههههههههههههههههههههههههههههههههههههههههههههه

خوووووووووش مفااااجأة >> بس هذا بعد مايمنع اني اسألج

يعني تبيين احفظ القاااموس >> انا اصلا درسي ما احفضه

بس والله حجيكمـ حلوو >> يونس

هههههههههههههههههههههه لا احمد حراام عليك خخخخ انا حاطه هالموضوع عشان خاطرك..

لاتسئلني ..تشطر واحفظ القاموووس ..خخخ


وتسلم ماتقصر هذا من ذووقك .. نحن تقريباً شرات رمسة هل البحرين ..

مشكووووره شيخه على القاموس

العفو خويلد .. ومشكوور ع المرور .. ^^

مشكوورة اختي ...

انا اللهجة الاماراتية ....

طيب وش معنى غلست مدري علست

غلست عليه او لا تغلس علي << مثل المضاايقه يعني يقصد فيه المضايقه .. وشاكرتلك ع تواصلك ..

وميااسه تسلمين حبيبتي ع المرور ..